Алмазбек Баатырбеков премьер-министрдин милдетин аткарууда. Бул тууралуу  өкмөттүн басма сөз кызматынан билдиришти. 

Маалыматка ылайык, учурда биринчи вице-премьер-министр Алмазбек Баатырбеков өкмөт башчынын милдетин аткарууда.

Кыргызстанда 4-октябрдагы парламенттик шайлоодон соң жаралган нааразылыктан 5-октябрда саясий партиялардын митинги башаламандык менен аяктап, президенттик администрация жана башка мамлекеттик органдардын имараттарын ээлеп алышкан. Өлкөдөгү легитимдүү бийлик органы болуп саналган парламент жаңы өкмөттү түзүш үчүн чогула элек.

9-октябрда Кубатбек Боронов баштаган өкмөт отставкага кеткен.