Балбан Асан Жанышов Хорватияда өткөн грек-рим күрөшү боюнча дүйнө чемпионатында коло медаль жеңди. Бул тууралуу Дене тарбия жана спорт агенттиги билдирди.

Ал коло байге үчүн кармашта учурдагы Европа чемпиону болгон венгриялык балбан Давид Лощонцини 4:2 эсебинде уткан.

Кыргызстандык балбан буга чейин 1/16 финалдагы алгачкы беттешинде түрк балбаны Хасан Кылынчты 6:5 эсебинде жеңген. Чейрек финалга чыгуу үчүн болгон кармашта азербайжандык Ислам Аббасовду 4:3 эсебинде уткан. Чейрек финалда ирандык Алиреза Мохмадипианига 1:4 эсебинде утулуп калган, бирок көңүл жубатуучу беттешке катышуу укугун алган. Көңүл жубатуучу беттеште эсеп 1:1 болгондо Асан Жанышов немис балбаны Ханнес Вагнерди эскертүүлөр боюнча жеңген.