Бүгүн, 27-мартта Нарын облусунун Ат-Башы районунда ылдамдыгы секундасына 22 метрге жеткен катуу шамал болуп, турак үйлөрдүн чатырын учуруп кетти. Бул тууралуу ӨКМ билдирди.

Маалыматта айтылгандай, катуу шамал Кара-Суу, Калинин, Дыйкан айылдарында кампалардын, чарбалык курулуштардын жана сарайлардын, ошондой эле Терек-Суу айылында 2 турак үйдүн чатырларын учуруп кеткен.

ӨКМ жарандарды катуу шамал учурунда коопсуз жайларда болууну эскертти.