Кыргызстандын футбол боюнча курама командасы Катарда өтүп жаткан Азия кубогундагы алгачкы беттешинде жеңилүү ызасын тартты.
F тайпасынын 1-турунун алкагында Кыргызстандын курамасы Таиланддын командасы менен беттешип, 0:2 эсебинде утулуп калды.
Оюн 2:0 эсебинде Таиланд командасынын пайдасына жыйынтыкталды.
Кыргызстандын командасы эми 21-январда Сауд Арабия менен беттешет.
Белгилей кетсек, Азия кубогунун финалдык бөлүгүндө 24 команда 6 тайпага төрттөн бөлүнүп ойнойт. Кыргызстан Азия кубогунда Таиланд, Сауд Арабия жана Оман менен F тайпасында жайгашкан.
Бул мелдештин жобосуна ылайык, өз тайпасында биринчи жана экинчи орунду ээлеген курамалар плей-оффко чыгат. Ошондой эле өз тайпасында үчүнчү орунду алып, көрсөткүчтөрү жакшы болгон төрт команда да 1/8 финалда ойнойт.
Биздин Телеграм каналга катталыңыз
