19-декабрга карата Кыргызстандын борбору абанын сапаты боюнча дүйнөлүк рейтингде (World Air Quality Index) 1-орунду ээледи.

Учурдагы AQI индекси 449 бирдикти түзөт. Эл аралык классификацияга ылайык, булгануунун мындай деңгээли «өтө зыяндуу» болуп эсептелет. Бирок Чоң-Арык сыяктуу айрым райондордо абанын сапаты дээрлик 800 AQIге жетип жатат — бул абанын катастрофалык түрдө жогорку булгануу деңгээли жана ден соолук үчүн өзгөчө коркунучту билдирет.

Абанын булгануу деңгээли боюнча сунуштар

• «Жакшы» (0-50) көрсөткүчүндө сыртта ээн-эркин жүрүүгө болот.
• Абанын сапаты «Орточо» (51-100) болгондо, сезгич адамдарга сыртта узак убакыт жүрүүдөн кармануу сунушталат.
• «Зыяндуу» (101-150) жана андан жогорку деңгээлдерде сыртта болуу убактысын чектөө зарыл.
• «Өтө зыяндуу» (150-249) учурда үйдөн чыкпай коюу абзел.
• Ал эми «Кооптуу» (250+) деңгээлде кыска убакытка болсо да сыртка чыгуудан баш тартуу керек.