«Бишкек электр тармактары» ишканасынын директору Азамат Паизов жарандарды электр энергиясын үнөмдүү пайдаланууга чакырды. Бул тууралуу аталган ишкананын басма сөз кызматы билдирди.

Маалыматка ылайык, Азамат Паизов шаар боюнча күндүзгү рейд өткөргөн. Ал күз-кыш мезгилинде энергияны сарамжалдуу колдонуу маанилүү экенин белгилеп, күндүз сырттагы жарыктарды өчүрүү зарылдыгын эске салган.

“Мындай чаралар энергетикалык тармакка түшкөн жүктү азайтып, Бишкек шаарынын тургундарын туруктуу электр менен камсыздоого өбөлгө түзөт”,- деп билдирди ишкана.