Бишкек шаардык мэриясына караштуу “Бишкек шаардык транспорт” муниципалдык ишканасынын кызматкери 1 млн сом пара алып жаткан учурда кармалды. Бул тууралуу УКМК билдирди.

Тергөөдө аталган ишкананын мамлекеттик сатып алуулар бөлүмүнүн кызматкерлери тоскоолдуктарды түзүү жана аткарылган иштер үчүн каражаттарды которууну кечеңдетүү аркылуу тендердик баанын 10%ын системалуу түрдө опузалап алышкандыгы аныкталган.

Ишкананын кызматкери А.К.Ш. кармалып, УКМКнын тергөө абагына киргизилген.

Учурда бул ишке тиешеси бар башка адамдарды аныктоо боюнча тергөө иштери уланууда.