«Хан-Теңири» мамлекеттик жаратылыш паркына коюлган фото-капкандарга түшкөн жапайы жаныбарлардын сүрөтү жарыяланды.

Жаратылыш ресурстары министрлиги жарыялаган сүрөттөрдө ак илбирс, сүлөөсүн, тоо текелер, түлкүлөр жана карышкырлар бар.

Министрлик бул сүрөттөр жаныбарлардын табигый чөйрөсүндө адамдын кийлигишүүсүз байкоо жүргүзүү мүмкүнчүлүгүн берерин, ошондой эле жапайы жаратылышты көзөмөлдөө жана сактоо үчүн баалуу курал болуп саналарын билдирди.

«Хан-Теңири» мамлекеттик жаратылыш паркы Ысык-Көл облусунун чыгыш бөлүгүндө, Күнгөй жана Тескей Ала-Тоо кыркаларынын кошулган жеринде жайгашкан. Парк Адыр-Төр, Сары-Жаз, Эңилчек жана Кайыңды тилкелерин камтыйт.