Бишкекте 2013-жылы туулган Сатаева Раяна үч күндөн бери дайынсыз болууда. Бул тууралуу Ленин районунун ички иштер башкармалыгы билдирди.

Милициянын маалыматы боюнча, өспүрүм кыз 25-августта саат 11:40 чамасында Ак-Босого жаңы конушундагы даректердин бирине келип, велосипедин таштап, кайра чыгып кеткен бойдон дайынсыз болууда. Бул факт 26-августта катталып, тергөөгө чейинки текшерүү иштери башталды.

Өспүрүм кыздын белгилери:

• Бою: 140–145 см;
• Көзү кара;
• Чачы кара, каре тибинде.

Кийген кийими: көк түстөгү джинсы шым, алды жагында кызыл түстөгү «21» деген жазуусу бар ак футболка.

Милиция Сатаева Раянанын жүргөн жери тууралуу маалыматы бар жарандар төмөнкү телефон номерлерине кабарласа болорун билдирди: 0312 35-29-47 (Ленин РИИБдин нөөмөт бөлүмү), 0 224 214 346.