Бишкекте 8-ноябрда 2026-жылкы сезондун жыйынтыктоочу веложарышы өтөт. Ага каалагандардын бардыгы катыша алышат деп билдирет борбор калаанын мэриясынын басма сөз кызматы.

Веложарыштын башталышы саат 10:00гө Дайыр Асанов атындагы Жеңиш сейил багынан пландаштырылган. Катышуучулар 5,4 чакырым аралыкты басып өтүшү керек. Мара «Газпром — балдарга» дене тарбия жана ден соолукту чыңдоо комплексинин алдында болот. Катышуучуларды каттоо Дайыр Асанов атындагы Жеңиш сейил багында саат 08:30дан 09:45ке чейин жүргүзүлөт.

Веложарыштын өткөрүлүшүнө байланыштуу 8-ноябрда саат 09:45тен 10:30га чейин А. Токомбаев проспектисинин түндүк тарабында батыш багыты боюнча унаа кыймылына убактылуу чектөө киргизилет.

Мэрия айдоочулардан киргизилген чектөөлөрдү эске алып, каттамдарын алдын ала пландаштырууну суранат.