Борбор калаанын муниципалдык бийлиги коомдук транспортто жүрүү тарифтерин жогорулатуу мүмкүнчүлүгүн караштырууда. Мындай чечимди кабыл алуу зарылдыгы тууралуу Бишкек шаарынын мэри Айбек Жунушалиев билдирди.

Калаа башчысы түшүндүргөндөй, тарифтик саясатты кайра карап чыгуу транспорттук ишканалардын каржылык туруктуулугун камсыздоо үчүн талап кылынат. Атап айтканда, кошумча каражаттарды автобус айдоочуларынын айлык акысын жогорулатууга жана кыймылдуу курамдын техникалык абалын тиешелүү деңгээлде кармап турууга багыттоо пландалууда.

Мэрдин айтымында, тиешелүү сунуш администрацияга мурда эле келип түшкөн жана учурда акыркы толуктоо баскычынан өтүп жатат.