Өкмөт башчы Адылбек Касымалиев Бишкек шаарындагы көрүүсү начар жана азиз балдардын мектеп-интернатына Perkins Brailler Classic үлгүсүндөгү 10 машинка тапшырды. Бул тууралуу Министрлер кабинетинин басма сөз кызматы билдирди.

Жалпысынан 20 даана машинка сатып алуу үчүн өкмөт башчынын резервдик фондунан 3 млн сомдон ашык каражат бөлүнгөн. 10 машинка Бишкектеги мектепке берилсе, калган 10у Ош шаарындагы көрүүсү начар жана азиз балдардын мектеп-интернатына берилери айтылды.

Perkins Brailler Classic машинкалары Брайл арибинде жазууну системалуу түрдө окутууга, окуучулардын өз алдынча иштөө көндүмдөрүн, майда моторикасын жана концентрациясын өнүктүрүүгө шарт түзөт.