Кыргызстандын футбол боюнча өспүрүмдөр курама командасынын (U-17) башкы машыктыруучусу Игорь Кудренко Азия кубогунун тандоо баскычына катыша турган акыркы курамды аныктады. Тизмеге 23 футболчу кирди, алардын үчөө дарбазачы.

Тандоо турнири Бишкекте төрт команданын катышуусунда өтүүдө. Кыргызстандын курамасынын атаандаштары — Монголиянын, Түндүк Мариана аралдарынын жана Йемендин курама командалары.

Тизмеге футбол дүйнөсүндөгү белгилүү адамдар менен байланышы бар эки дарбазачы кирди. Алар — Кыргызстандын мурдагы дарбазачысы Валерий Кашубанын уулу Артём Кашуба жана Азия футбол конфедерациясынын мелдештер башкармалыгынын директору Павел Лузановдун уулу Давид Лузанов.

Курама команданын тизмеси:

• Дарбазачылар: Артём Кашуба, Байэл Шейшенбеков, Давид Лузанов;
• Коргоочулар: Алихан Субанов, Наиль Болотов, Эмир Эмильев, Эрхан Камалбеков, Бектур Асанбеков, Алихан Арынов, Канатбек Рахатов, Умар Темирбеков;
• Жарым коргоочулар: Алдос Касымов, Байазат Сагынов, Ариет Абилов, Баяман Таштемиров, Эржан Аскербеков, Нуртай Айтбаев, Умар Култаев;
• Чабуулчулар: Байэл Мирланов, Рахматулло Хакимов, Азизхон Ходжаев, Салават Алимжанов, Алымбек Исаев.