Asman Airlines авиакомпаниясы беш жылдын ичинде чоң учактарынын санын 10го жеткирүүнү пландоодо. Бул тууралуу «Кыргызстандын аэропорттору» ААК башкармалыгынын төрагасы Манасбек Самидинов билдирди.

Анын айтымында, учурда компаниянын аймактык каттамдарды аткарган үч учагы бар. Төртүнчү учак декабрь айында келет деп күтүлүүдө. Аны ноябрда алуу пландалган, бирок техникалык тейлөө станциясына тетиктерди жеткирүүдөгү көйгөйлөрдөн улам учактын келиши кечиккен. Дагы эки Airbus A321 учагы 2027-жылдын май айында келиши керек.

«Биз ири консалтингдик жана лизингдик компаниялар менен сүйлөшүүлөрдү жүргүзүп жатабыз. Ушул жылдын аягына чейин дагы 8–10 учак сатып алуу боюнча макулдашууга жетишебиз деп үмүттөнөбүз. Аларды жеткирүү 2028-жылдан башталат», — деди Самидинов.