16–23-сентябрь күндөрү Бишкек шаарындагы А. Умуралиев атындагы драма театрында кичи формалар боюнча X Эл аралык «IMPULSE» театр фестивалы өткөрүлөт. Бул тууралуу шаар мэриясы билдирди.

Маалыматка ылайык, фестивалга Кыргызстандан, ошондой эле Грузия, Израиль, Косово, Орусия, Казакстан, Чехиядан келген драма искусствосунун кесипкөйлөрү жана таланттуу инсандары катышат.

Иш-чаранын башкы максаты – кыргыз театр өнөрүн дүйнөлүк маданий мейкиндикке интеграциялоо, сахна чеберлеринин ортосунда чыгармачылык диалогду өнүктүрүү жана көрөрмандарды театр искусствосунун жаңы багыттары жана тенденциялары менен тааныштыруу.