8-сентябрда Жогорку Кеңештин комитетинде аймактардагы калктуу конуштарды суу менен камсыздоо боюнча Кыргызстан менен Кувейт араб экономикалык өнүктүрүү фондунун ортосундагы гранттык макулдашууну ратификациялоо боюнча мыйзам долбоору биринчи окууда каралып, колдоо тапты. 

Маалыматка ылайык, мыйзам долбоору Чүй, Ысык-Көл жана Нарын облустарындагы 68 айылды ичүүчү суу менен камсыздоо иштери үчүн техникалык-экономикалык изилдөөлөрдү жүргүзүү жана алдын ала дизайнды даярдоо максатында иштелип чыккан. Бул максатта 300 миң кувейт динары (1 млн доллары) өлчөмүндө грант берүү каралган.