Мисирде чет өлкөлүк жарандардын жүрүү эрежелери өзгөргөндүгүнө байланыштуу Бишкек — Шарм-эль-Шейх багытындагы бардык авиакаттамдар келе жаткан 2026–2027-жылдын кыш мезгилине токтотулду. Бул тууралуу «Кыргызстан аэропорттору» ААКы маалымдады.

Маалыматка ылайык, бул багыт боюнча акыркы каттам 2026-жылдын 5-ноябрында аткарылат.

Мурда билет сатып алган жүргүнчүлөргө акча каражаттарын кайтаруу, сапардын убактысын жылдыруу же башка каттамдарды тандоо боюнча авиакомпанияларга жана туроператорлорго кайрылуу сунушталат.

«Кыргызстан аэропорттору» каттамдардын кайра жанданышы боюнча маалымат кошумча берилери кабарланды.