Кыргызстандын чакан жана орто бизнеси 1 трлн сом киреше тапты, анын 77%ы Бишкекке туура келет

31.10.2026 | 12:30
Малый и средний бизнес КР получил 1 трлн сомов выручки, 77% — в Бишкеке — Новости Кыргызстана

2025-жылы чакан жана орто ишканалар продукцияларды, товарларды, жумуштарды жана кызмат көрсөтүүлөрдү сатуудан 1 018,1 млрд сом киреше алышкан. Бул реалдуу сектордогу ишканалардын жалпы кирешесинин 50,1%ын түзөт. Улуттук статистика комитетинин маалыматына ылайык, 2024-жылга салыштырмалуу киреше 536,7 млрд сомго, башкача айтканда 2,1 эсеге өскөн. Ал эми 2021-жылга салыштырганда 815,2 млрд сомго же 5 эсеге көбөйгөн.

Кирешенин эң чоң бөлүгүн финансылык ортомчулук менен алектенген ишканалар алган. Алар чакан жана орто ишканалардын жалпы кирешесинин 37,3%ын түзгөн. Андан кийинки орундарда өнөр жай (17,7%), курулуш (16,2%), дүң жана чекене соода, ошондой эле автоунааларды жана мотоциклдерди оңдоо тармактары (13,5%) турат.

Киреше негизинен борбор калаада топтолгон. Чакан жана орто ишканалардын жалпы кирешесинин 77,4%ын Бишкек шаарындагы ишканалар камсыздаган.

Статистикага чакан жана орто ишканалар гана киргизилген. Дыйкан (фермердик) чарбалар жана жеке ишкерлер эсепке алынган эмес.

Scroll to Top