Бишкек шаарындагы Алыкул Осмонов атындагы Улуттук китепканада «Кытайдын Нанкин жумалыгы» ачылды. Иш-чара Кыргызстан менен Кытайдын маданий-гуманитардык байланыштарын чыңдоо максатында уюштурулган. Бул тууралуу Маданият министрлиги билдирди.

Жумалыктын алкагында «Салттардын өрүлүшү: Нанкин парчасы менен Борбордук Азия кийизинин диалогу» көргөзмөсү ачылды. Ошондой эле «Нанкинди окуйбуз» аттуу китеп бурчу түзүлүп, Улуттук китепкананын фондуна китептер тапшырылды.

Министрлик бул долбоор адабият, искусство жана кол өнөрчүлүк жаатындагы эки тараптуу кызматташтыкты өнүктүрүүнү көздөй турганын билдирди. Жумалыктын алкагында соода-маданий алмашуу иш-чаралары улантылат.