Кыргыз-Тажик чек арасында болгон кагылышууда 13 адам каза болду. Бул тууралуу Саламаттыкты сактоо жана социалдык өнүктүрүү министрлигинен кабарлашты.
Маалыматка ылайык, саат 7:50гө карата жаракат алган адамдардын саны 134кө жетип, 13 адам каза болду.
Жаракат алгандардын 25и атайын учак менен Баткенден Бишкекке жеткирилип, Бишкек травматология жана ортопедия илим изилдөө борборуна, Улуттук госпиталга жана Улуттук хирургия борборуна жаткырылды. Эки жабырлануучунун абалы оор, калгандары орто жана салыштырмалуу канааттандырарлык экени айтылат.
