Чүйдө киши көчөдөгү адамдарды аткан: эки бала жарадар болду

18.11.2026 | 10:01
Чүйдө киши көчөдөгү адамдарды аткан: эки бала жарадар болду — Новости Кыргызстана

Чүй облусунда өтүп бара жаткан адамдарга пневматикалык мылтыктан ок атууга шектелген жаран кармалды. Анын кесепетинен эки өспүрүм жаракат алганын облустук ИИББден билдиришти.

Ведомствонун маалыматы боюнча, 17-ноябрда Чүй райондук ооруканасынан октон жаракат алган эки бала — 13 жаштагы Т. Р. жана 11 жаштагы А. А. тууралуу билдирүү түшкөн.

Ыкчам-тергөө иш-чараларынын жүрүшүндө шектүү — 24 жаштагы Т. У. аттуу жаран аныкталып кармалган. Ал өз ыктыяры менен 4,5 мм калибрдеги «Hatsan AirTact» үлгүсүндөгү пневматикалык мылтыкты өткөрүп берген.

«Алдын ала маалымат боюнча, ал 17-ноябрда саат 18:30 чамасында көчөгө мылтык менен чыгып, өтүп бара жаткан адамдарды аткандыгын мойнуна алган. Шектүү Чүй РИИБдин убактылуу кармоочу жайына киргизилди», — деп билдиришти милициядан.

Учурда тергөөгө чейинки текшерүү иштери жүргүзүлүп, окуянын бардык жагдайлары такталууда.

Scroll to Top