2026-жылдын башынан бери Эмгек, социалдык камсыздоо жана миграция министрлиги БУУнун Дүйнөлүк азык-түлүк программасы менен биргеликте республика боюнча 127 инфраструктуралык, окутуучу жана киреше алып келүүчү долбоорду ишке ашырды.

Аларга 3 миң 643 аз камсыз болгон үй-бүлө, же 18 миң 285 адам катышты. Долбоорлордун алкагында катышуучуларга ун жана өсүмдүк майын кошкондо 1 миң 151 тоннадан ашык азык-түлүк жардам берилди. Ошондой эле «коомдук пайдалуу ишке же окутууга азык-түлүк же акчалай каражат берүү» схемасы боюнча төлөмдөр каралган.

Мындан тышкары, республиканын айрым шаарларында «коомдук пайдалуу иш же окутуу үчүн акчалай каражат» схемасы боюнча шашылыш колдоо көрсөтүүгө багытталган 36 долбоор ишке ашырылды.

Бул долбоорлорго 1 миң 320 аз камсыз болгон үй-бүлө, же 4 миң 782 адам катышты. Төлөнгөн каражаттын жалпы суммасы 19,1 млн сомду түздү.