Эсептөө палатасынын Ош шаары, Ош, Жалал-Абад жана Баткен облустары боюнча аймактык бөлүмүнүн инспектору Д.М.Ы. пара алууга шектелип кармалды. Бул тууралуу Улуттук коопсуздук боючна мамлекеттик комитети (УКМК) билдирди.

Иликтөөнүн жүрүшүндө инспектор Ноокат районунун Көк-Жар айыл аймагындагы финансылык мыйзам бузууларды жашыруу үчүн 900 миң сом алганы аныкталган.

Бул факт боюнча КР Кылмыш-жаза кодексинин «Ири өлчөмдө пара алуу» беренеси менен кылмыш иши козголгон. Шектүү 26-июнда кармалып, УКМКнын тергөө абагына киргизилген. Учурда тергөө иштери жүрүүдө.