«Манас» аэропорту жакта унаа жарылгандыгы тууралуу маалымат чындыкка дал келбейт. Бул тууралуу Чүй облустук ички иштер башкы башкармалыгынан кабарлады.

Маалыматка ылайык, 20-сентябрда болжол менен 02:30дар чамасында милицияга «Манас» аэропорту жакта унаа токтотуучу жайда унаа жарылганы тууралуу маалымат түшкөн.

Кийин кыска туташуудан улам «Фольксваген пассат» үлгүсүндөгү унаа өрттөнүп кеткенин аныкталган.

Аталган факт боюнча милиция кызматкерлери унаанын ээси 1981-жылы туулган Т.А.ны сурашканда, ал унаа кыска туташуудан улам өрттөнүп кеткендиктен эч кандай дооматы жок экенин айткан.

Буга чейин социалдык тармактарда «Манас» аэропорту жакта унаа жарылгандыгы тууралуу маалымат тараган.