Ош облусунун Кара-Суу районунда 18 жаштагы кыздын өлүмүнө шектүү делип эки адам кармалды, бири жашы жете элек өспүрүм.
Милициянын маалыматына караганда, 25-апрелде Кара-Суу РИИБге Отуз-Адыр айылында 18 жаштагы А.А. белгисиз бирөөнүн кол салуусунан оор жаракат алып, каза болгондугу тууралуу маалымат түшкөн.
Бул факты боюнча КР Кылмыш-жаза кодексинин «Адам өлтүрүү» беренеси боюнча кылмыш иши козголгон.
Кара-Суу РИИБдин криминалдык милиция бөлүмүнүн кызматкерлери тарабынан ошол эле күнү жүргүзүлгөн ыкчам-иликтөө иш-чараларынын жүрүшүндө кылмышка шектүүлөр кармалган.
Алар Кара-Суу районунун тургуну 18 жаштагы Ж.С. жана Жалал-Абад облусунан 16 жаштагы А.Б болуп чыкты. Учурда тиешелүү экспертизалар дайындалып, тергөө амалдары уланууда.
Биздин Телеграм каналга катталыңыз
