Кайрат Турсункулов тышкы иштер министринин орун басары болуп дайындалды. Тиешелүү тескемеге өкмөт башчы Адылбек Касымалиев кол койду.

Бүгүн, 27-январда, Тышкы иштер министрлигинин жамаатына жаңы орун басар тааныштырылды. Президенттик администрациянын тышкы саясат бөлүмүнүн башчысы Сагынбек Абдумуталип Турсункуловдун тажрыйбасы өлкөнүн эл аралык байланыштарын бекемдөөгө өбөлгө түзөрүн белгиледи.

40 жаштагы Кайрат Турсункулов 2009-жылдан бери Тышкы иштер министрлигинин тутумунда эмгектенип келет. Ал өкмөттүк аппаратта, ошондой эле Кыргызстандын Германиядагы, Австриядагы жана Бельгиядагы элчиликтеринде иштеген. 1-класстагы кеңешчи дипломатиялык рангына ээ.