2026–2027-окуу жылынан тартып мектептердин 8-класстарында профилге чейинки даярдоо компоненти киргизилет. Бул тууралуу Агартуу министрлиги билдирди.

Аталган багыт боюнча окутууга жумасына 2 саат убакыт бөлүнөт. Окуу процесси Кыргыз билим берүү академиясы тарабынан иштелип чыккан 15 программанын негизинде жүргүзүлөт.

Бул компонент окуучулардын жөндөмүн жана ыктоосун аныктоо, ошондой эле келечектеги кесиптик багытын өз алдынча тандоого көмөктөшүү максатында киргизилүүдө.

Тиешелүү программалар жана методикалык сунуштар Кыргыз билим берүү академиясынын сайтына (www.kao.kg) жайгаштырылды.