Алдын ала маалыматтар боюнча, Нижнекамск (Татарстан) шаарына учкучсуз аппараттардын (дрондордун) массалык чабуулунан улам каза болгондордун жана жабыркагандардын арасында Кыргызстандын жарандары жок. Бул тууралуу КР ТИМ билдирет.

Мекеменин маалыматына караганда, окуянын кесепетинен 13 адам каза болуп, дагы 39 адам жаракат алган.

«Кыргызстандын Казань шаарындагы Башкы консулдугу каза болгондордун жана жабыркагандардын жарандыгы тууралуу маалыматтарды тактоо үчүн Татарстандын жана Орусиянын тиешелүү компетенттүү органдары менен дайыма байланышта болууда», — деп билдиришти тышкы саясат мекемесинен.

Министрликтен маалыматтар дагы улантып такталып жатканын белгилешти.

Күн мурун, 10-августта Нижнекамскка жасалган соккудан Өзбекстандын сегиз жана Тажикстандын бир жараны каза болуп, дагы 20га жакын чет элдик жаран жаракат алганы белгилүү болгон. Соккулар өндүрүштүк гана эмес, жарандык да объектилерге урулганы кабарланган.

Медициналык жардам сурап 78 адам кайрылган, алардын 25и ооруканага жаткырылган. Татарстан