Борбордук шайлоо комиссиясы шайлоочулар үчүн онлайн-идентификация системасын киргизип жатканын билдирди. Бул механизм жарандардын жашаган жеринен добуш берүүсүнө шарт түзөт.

Ошол эле учурда бюллетень шайлоочунун катталган округу боюнча басылып чыгат.

Мисалы, эгерде жаран Ат-Башыда катталып, бирок Бишкекте жашаса, анда ал борбордогу шайлоо участогунда добуш берип, Ат-Башы округуна катталган талапкерди тандай алат.

Эске салсак, коомчулукта учурда парламенттик шайлоону мөөнөтүнөн мурда өткөрүү мүмкүнчүлүгү кызуу талкууланууда.