Бүгүн, 1-октябрда Кыргыз милициясынын 95 жылдыгына карата Улуттук филармонияда салтанаттуу иш-чара болуп өттү. Ага өлкө башчысы Сооронбай Жээнбеков жана бир катар министрлер мамлекеттик мекемелердин башчылары катышты.
Ии-чарада мамлекет башчысы сөз сүйлөп, милициянын астындагы негизги тапшырма элдин жашоосунун тынчтыгын жана өмүрүнүн сактыгын камсыз кылуу, коомдо бекем тартипти орнотуу экендигин баса белгиледи.
Мунун менен бирге Сооронбай Жээнбеков кызматтык милдетин үлгүлүү аткаргандыгы, ошондой эле кылмыштуулукка каршы күрөшүү ишине жана коомдук тартипти камсыздоого кошкон олуттуу салымы үчүн өзгөчө айырмаланган ички иштер кызматкерлерине бир катар мамлекеттик сыйлыктарды тапшырды.
