«Кыргызстан аэропорттору» ААК авиациялык инфраструктураны жаңылоо программасынын алкагында 9 заманбап өрт өчүрүүчү автоунаа сатып алганын билдирди. Бул тууралуу ишкананын басма сөз кызматы маалымдады.

Сатып алынган техникалар:

• 3 Mercedes-Benz үлгүсүндөгү өрт өчүрүүчү унаа
• 6 КамАЗ үлгүсүндөгү аэродромдук атайын техника

Унаалар төмөнкүдөй бөлүштүрүлдү:

• «Манас» эл аралык аэропорту — 3 унаа
• Ош аэропорту — 4 унаа
• «Каракол» жана «Ысык-Көл» эл аралык аэропорттору — 1ден

Ишкананын маалыматына караганда, бул техникалар өзгөчө кырдаалдарда ыкчам жана коопсуз аракет кылууга, эл аралык стандарттарга ылайык жооп берүүчү жабдуулар менен камсыздалган.