Өзгөчө кырдаалдар министрлиги маалымдагандай, 25-сентябрда Ош шаарынан чыккан гуманитардык кербен Өзбекстан аймагы аркылуу өтүп, 27-сентябрда Термездеги Хайратон өткөрмө постуна жеткен. Ал жерде Кыргызстандын Афганистандагы өкүлү жана жергиликтүү коопсуздук органдары тосуп алып, Мазари-Шариф шаарына чейин коштоп барышты.

Жалпы 130 тонна азык-түлүк, 2 миллион сомдук балдардын жылуу кийим-кечелери жана керектүү күнүмдүк товарлардан турган жүк 28-сентябрда Мазари-Шарифте өткөрүлгөн атайын аземде тапшырылды.

Эскерте кетсек, акыркы төрт жылда Кыргызстан Афганистан элине 360 тоннадан ашуун гуманитардык жүк жөнөткөн.