Кыргызстан менен Кытай пион гүлүн өстүрүү жаатында кызматташууну көздөөдө. Мындай демилге айыл чарба министринин орун басары Бектен Бекболотов менен Кытайдын Heze Peony Development Service борборунун өкүлдөрү менен жолугушуусунда айтылды.

Жолугушууда тараптар Кыргызстанда пион өстүрүү мүмкүнчүлүгүн, климаттык шарттардын ылайыктуулугун жана продукцияны кайра иштетүү маселелерин талкуулашты.

Heze Peony Development Service Center — Хэцзэ шаарындагы пион тармагын өнүктүрүү боюнча адистешкен борбору. Ал дүйнөдөгү эң ири пион өстүрүү жана кайра иштетүү борбору болуп саанлат. Ал пион секторун кеңейтүү жана анын экономикалык маанисин жогорулатуу багытында иш алып барат.