«Интервидение–2025» музыка сынагы 20-сентябрда Москвадагы «Live Аренада» өтөт. Бул конкурска Кыргызстандын атынан Бек Исраилов, Минжашар Мурзаев жана Азат Раимбердиевден турган «Номад» триосу катышат.

Бул сынак тууралуу Кыргызстандын эмгек сиңирген артисти Гүлнара Тойгонбаева “Sputnik Кыргызстанга” комментарий берди.

Тойгонбаеванын айтымында, аталган сынакка катышуу – бул чоң жоопкерчилик жана өлкөдө ырчылык өнөрдү өнүктүрүүгө маанилүү мүмкүнчүлүк. Ошондой эле жаш аткаруучулар үчүн кийинки сынактарга даярданууга түрткү берет.

Сынактын баш байгеси 300 миң еврону түзөт. Бүгүнкү күндө бул иш-чарага 20дан ашуун өлкө катышарын ырастаган.