Кыргызстанда 30-октябрдан 5-ноябрга чейин 21 миң 812 жол эрежесин бузуу фактысы аныкталды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгы билдирди.

Маалыматка ылайык, бул убакыт аралыгын төмөнкү эреже бузуулар катталган:

• транспорт каражаттарын колдонуу эрежелерин бузуу — 1 055;
• белгиленген ылдамдыктан ашуу — 924;
• тийиштүү документтери жок транспорт каражатын башкаруу — 632;
• жөө жүргүнчүлөр катышкан эреже бузуулар — 538;
• мас абалында автотранспорт каражатын башкаруу — 368;
• автоунаанын терезелерин караңгылатуу — 293;
• автоээнбаштык — 26;
• жалган мамлекеттик номур менен унаа башкаруу — 6;
• башка жол эрежелерин бузуу фактылары — 15 582.

Жол эрежелерин бузгандыгы үчүн 2 миң 388 автоунаа убактылуу токтотуучу айып короо жайына токтотулган.

ЖКККББ айдоочуларды жол кыймылынын коопсуздук эрежелерин сактоого чакырды.