Кыргызстанда машинаны кайра каттоодо унаанын милдеттүү камсыздандыруу полиси (ОСАГО) болушу керек. Тиешелүү токтом өкмөт тарабынан 9-августта кабыл алынганын “Акчабар” жазды.

ОСАГО унаа ээсине жол кырсыгы болгондо, чыгымдарды жабууга жардам берет. Эгер ОСАГОсу бар айдоочу жол кырсыгына күнөөлүү болуп чыкса, камсыздандыруу компаниясы жабыркагандардын унаасын оңдоого, дарылануусуна кеткен чыгымдарды төлөп берет.

Белгилүү болгондой, 2025-жылдан тарта Кыргызстанда ОСАГО бардык айдоочулар үчүн милдеттүү болуп калат. Ал эми башка өлкөнүн жарандары үчүн бул норма 2023-жылдын апрель айынан бери иштейт.