Лейлекте автоунаа ала салып, айдоочусу жабыркады. Бул тууралуу Өзгөчө кырдаалдар министрлигинин басма сөз кызматынан билдиришти. 

Маалыматка ылайык, окуя бүгүн, 30-сентябда саат 01:00дөр чамасында Ош-Баткен-Исфана унаа жолунун 318-чакырымында Лейлек районунун Кара-Суу айылында болгон. Анда “Honda Fit” үлгүсүндөгү автоунаанын айдоочусу рулду башкара албай унаа жолдон чыгып оодарылып кеткен.

Окуя болгон жерге барган куткаруучулар автоунаадан чыга албай кыпчылып калган айдоочуну чыгарып, “Тез жардам” кызматына өткөрүп беришкен.