Өкмөт 2025-жылга карата Кыргызстанга иштөө үчүн келген чет элдиктерге бериле турган квотанын санын көбөйттү. Бул тууралуу “Токтом” маалымат-укуктук порталына жарыяланды.

Министрлер Кабинетинин 2025-жылдын 18-августундагы №710 токтомуна ылайык, 2025-жылга Кыргызстанга келген чет элдик жарандар менен жарандыгы жок адамдарга берилген квота 42 миңге чейин көбөйтүлдү. Токтомго өкмөт башчы Адылбек Касымалиев кол койгон.

Белгилей кетсек, буга чейин өкмөт эмгек миграциясы үчүн бериле турган квотанын максималдуу саны 25 миң деп бекиткен болчу.