Кыргызстанда 2012-жылы кумарканаларга тыюу салынгандан кийин 2022-жылы кайра уруксат берилген. Кумарканаларга уруксат берген өкмөт бара-бара бюджетке жылына 1 млрд сомдон 6 млрд сомго чейин түшүп турат деп көздөгөн. Ойлогон ойду кыстаган турмуш жеңет болдубу, айтор, бюджетке өкмөт күткөн миллиарддар түшө элек.

“Акчабар” жазгандай, 2023-жылы кумарканалар бюджетке 100 млн сомго жетпеген акча алып келген. Былтыр түшкөн акча көбөйгөнү менен ал да миллиарддарга жеткен жок: 2024-жылдын 11 айында 271,2 млн сом түштү.

Аталган акчанын 258,3 млн сомун кумарканалар төккөн болсо, 11 млн сому букмекердик жайлардан, 1,8 млн сом оюн автоматтарынан түшкөн.

https://reporter.kg/atazov-apam-kazinonu-koldobo-degenine-karabaj-koldogom-azyr-okynyp-zhatam-video/