Ош шаарындагы эски борбордук базардын ордуна Ак-Буура дарыясынын жээгин бойлой шаар тургундары үчүн заманбап парк курулат. Бул тууралуу Ош мэриясы кабарлады.

Маалыматка ылайык, парк куруу маселеси боюнча Ош шаарынын мэри Жеңишбек Токторбаев кытайлык компаниянын өкүлдөрү менен жолугушуу өткөргөн.

Парк гранттык негизде курулат. Учурда жаңы парктын эскиздик долбоору даяр болгон. Калаа башчы жакынкы күндөрү курулушту баштоо тапшырмасын берген.