22–23-ноябрда Ош шаарында айыл чарба продукцияларынын жарманкеси уюштурулат. Бул тууралуу Ош мэриясы билдирди.

Иш-чара Жибек Жолу базарынын алдында жана Т.Абакир уулу көчөсү менен Н.Исанов көчөлөрүнүн кесилишинде өтөт.

Мэрия жарманке бардык каалоочулар үчүн ачык экенин айтып, дыйкандарды жана өндүрүүчүлөрдү катышууга чакырды.

“Эмгегиңиздердин жемиштерин шаар тургундарына жана конокторуна туура баада сунуштап, өз өндүрүмүңүздөрдү кеңири таанытууга мүмкүнчүлүк түзүлөт”,- деп билдирди мэрия.