Өзбекстандын футбол боюнча улуттук курама командасы белгилүү германиялык адис Йоахим Лёвду башкы машыктыруучулук кызматына караштырып жатат. Бул тууралуу өзбек басылмалары жазууда.

Маалыматка ылайык, учурда Өзбекстан футбол ассоциациясы Йоахим Лёв менен сүйлөшүүлөрдү жүргүзүп жатат.

65 жаштагы адис 2014-жылы Германиянын улуттук курама командасын дүйнө чемпиону кылып, ошол жылы ФИФА тарабынан дүйнөнүн мыкты машыктыруучусу деп таанылган. Лёв 2021-жылдын март айында Германия курама командасынын башчылыгынан кеткен жана ошондон бери эч жерде иштеген эмес.