Президент Садыр Жапаровдун маалымат катчысы Аскат Алагөзов билдиргендей, россиялык альпинист Наталья Наговицынанын абалын байкоо үчүн учкучсуз аскердик учактар тартылган.

Алагөзовдун айтымында, альпинисттин аскадан түшө албай калганын билдирген кабар түшкөндөн тартып, тиешелүү мамлекеттик кызматтар эвакуациялоо аракетин көргөн. Бирок куткаруучулардын бардык аракетине карабастан экстремалдык бийиктиктен эвакуациялоо мүмкүн болбогон.