Үстүбүздөгү жылдын январь-август айларында турак жайлардан же имараттардан түшкөн салыктын суммасы 19,4 млн сомду түздү. Бул тууралуу Салык кызматы билдирди.

Ал эми үй жанындагы, короо-жай жанындагы жана бак-чарба жер участокторунан 12,5 млн сом салык түшкөн.

Салык кызматы жарандарга кыймылсыз мүлк салыгын төлөө мөөнөтү 1-сентябрда аяктаарын, салык өз убагында төлөнбөсө, ар бир кечиктирилген күн үчүн 0,09% өлчөмүндө айып салынарын эскертти.