Чүй облусунун Жайыл районундагы Бороондуу жайлоосунда кар көчкү астында калган 59 жаштагы жаранды издөө иштери жүрүүдө.

Маалыматка ылайык, кечээ 1967-жылы туулган Д.А. аттуу жаранды 50 баш кой жана бир аты менен кошо кар көчкү басып калган.

Бүгүн, 13-февралда, саат 03:00дөн тарта издөө иштерине министрликтин аймактык башкармалыктарынан жана түзүмдөрүнөн жалпы 24 куткаруучу жөнөтүлдү.

Учурда издеп-куткаруу иштери улантылууда. Кошумча маалымат берилет.