Талас шаарында заманбап инфраструктураны камтыган жаңы Сот адилеттик үйү курулат. 6-августунда аталган имараттын пайдубалына мезгил кутусу салынды. Бул тууралуу КРдин Жогорку соту маалымдады.

Жаңы имаратта жергиликтүү соттор, Сот департаментинин облустук башкармалыгы, сот приставдары жана башка тиешелүү кызматтар бир жерге жайгаштырылат.

Иш-чарага Жогорку соттун төрагасы Медербек Сатыев, Сот департаментинин директору Бакыт Курманалиев, Президенттин Талас облусундагы өкүлү Эрмат Джумаев жана башка расмий өкүлдөр катышкан.

Медербек Сатыев өз сөзүндө бул долбоор өлкөдөгү сот реформасынын маанилүү бөлүгү экенин белгилеген. Анын айтымында, жаңы имарат сотко кайрылган жарандар үчүн жеткиликтүүлүктү жана ачык-айкындуулукту камсыздайт.