Бишкек шаарынын Фучик көчөсүндө жайгашкан «Аска-Таш» мемориалдык комплекси жаңыланууда. Борбор калаанын мэриясы иш-чаралар ШКУнун саммитине даярдык көрүүнүн алкагында аткарылып жатканын билдирди.

Долбоор боюнча комплекстеги фонтандардын ички жана тышкы инженердик тармактары толугу менен алмаштырылып, чөйчөктөрү бетондолуп, гранит менен капталат. Учурда аймакка таман таш төшөө жана автоматтык сугаруу системасын орнотуу иштери жүрүп жатат.

Курулуш-монтаждоо иштерин «Гранд Про» ЖЧКсы жүргүзүүдө. Мэриянын маалыматында, жаңылоонун натыйжасында комплекстин архитектуралык көрүнүшү жакшыртылып, тургундар жана коноктор үчүн шарттар түзүлөт.