Башкы прокуратура Ысык-Көл облусунун Тоң районунда баасы 65 млн сомдук жер тилкеси мамлекетке кайтарылганын билдирди.

Маалыматка ылайык, Тоң районунун прокуратурасы тарабынан жер мыйзамдарынын аткарылышы боюнча текшерүү жүргөн. Анын жыйынтыгында, Улахол, Ак-Терек жана Күн-Чыгыш айыл аймактарында жалпы 47,84 гектар айыл чарба жери 2006–2008-жылдары жеке тараптарга мыйзамсыз берилип кеткени аныкталган.

Прокурордук чаралардын негизинде аталган жер тилкелери мамлекеттин менчигине кайтарылган.