Бишкек шаарында эки күндөн бери рейд жүрүп, туура эмес жерге токтотулган транспорттук каражаттар көчөлөрдөн алынууда. Бул тууралуу мэрия билдирди.

Токтогул көчөсү менен Жаш Гвардия бульвары  жана Ибраимов көчөлөрүнүн кесилишинде, ошондой эле Киев, Абдрахманов көчөлөрүндө жана шаардын башка негизги жолдорунда текшерүү  жүрүүдө.

Унаасын алып кеткен жарандар жалпысынан 2350 сом төлөшөт:

• Эвакуатордун кызматы – 1250 сом;
• унаа токтотуучу жайдын кызматын – 100 сом;
• Административдик айыппул – 1000 сом.

Мэрия мындай рейддерди байма-бай жүргүзүп турмакчы. Андыктан унааларды атайын токтоочу жайга гана калтырууну суранат.

Биздин Телеграм каналга катталыңыз