КР Каржы министрлиги акциялардын 100% пакетин Кыргыз Республикасынын Президентинин иш башкармалыгына өткөрүп берип, «Мамлекеттик камсыздандыруу уюму» ААКсынын акционерлеринин курамынан толугу менен чыкты. Баалуу кагаздардын ээлеринин реестриндеги тиешелүү өзгөртүүлөр 2026-жылдын 11-июнунда расмий түрдө катталган. Бул тууралуу Кыргыз фондулук биржасынын порталында маалымдалат.

Бүтүмгө чейин Каржы министрлигине уюмдун 11 443 518 жөнөкөй акциясы таандык болгон, бул акчалай түрүндө 1 миллиард 144 миллион сомго барабар.

Өткөрүп берүүнүн укуктук жол-жоболору аяктагандан кийин, министрликтин Мамлекеттик камсыздандыруу уюмунун уставдык капиталындагы үлүшү нөлгө чейин кыскарып, ал эми баалуу кагаздар жаңы ээсинин карамагына өттү.